قاطو روس

250غ زبدة
70غ سكر عادي
220غ عسل ولا عسيلة
10غ بيكاربونات
صفار بيضة وزوج حبات بيض
فانيلا
رشة ملح
عطر الكراميل
كأس كاوكاو مرحي بودرة
فرينة
كريمة الزبدة :
150غ زبدة أوبلين
50غ سكر ناعم
50غ بودرة الشانتي
مغرف زيت
عطر الكراميل
لافاني
الطريقة :
في كاسرونة تحطي 250غ زبدة ،70غ سكر عادي 220غ عسل ، حتى يذوب كلش و زيدي مغرف كبيرة معمرة بيكاربونات وخلطي مليح حتا تولي كيما كراميل نحيها من نار وخلي خليط يبرد ..
كي يبرد زيدي صفار بيضة و بيضتين مع قرصة ملح ولافاني وعطر الكراميل من بعد تبقاي تزيدي ف الفرينة حتا تتحصلي على عجينة طرية وقسميها على 4 قرصات و حلي كل قرصة فوق ورق الطهي لازم تجي رقيقة و كل ورقة طيب مدة 8دقايق على 180درجة
وجدي كريمة زبدة تاعك ديري 150غ زبدة أوبلين مع 50 غ سكر ناعم و 50غ بودرة الشانتي مغرف كبيرة زيت وذوق كراميل طلعيهم بالباتور مليح حتان تولي كريمة خفيفة بيضاء ..
دهني طبقة الأولى بالمعجون وطبقة ثانية بكريمة طبقة ثالثة بالمعجون طبقة رابعة بكريمة و تزيين إختياري انا درت حواشي تاع العجينة من فوق مع شوي كاوكاو مرحي ..
من بعد خليه يروبزي يومين وقصيه معينات ولا مربعات
إختياري 🧡
ملاحظة :
سر تاعو كامل كي طيبي سكر مع عسيلة و زبدة مليح تولي كيما الكراميل تمدلك واحد لون روووعة