زلابية مقرمشة ولذيذة 🧡

المكونات:

للعسل:
• 3 أكواب سكر
• 2 كوب ماء
• قطعة ليمون
• 1 معلقة صغيرة عصير ليمون

للعجينة:
• 1 ونص كوب ماء دافئ
• 2 كوب دقيق أبيض
• 1 معلقة كبيرة سميد ناعم
• 1 معلقة صغيرة خميرة فورية
• شوية زعفران أو لون غذائي أصفر

طريقة التحضير:

تحضير العسل:
في حلة على نار متوسطة، نحط السكر والمية وقطعة الليمون، ونسيبهم يغلو مع التحريك لحد ما يتقل قوامه شوية.

في طاسة صغيرة، نحط معلقة كبيرة سكر ونسيبها تسيح وتاخد لون دهبي، بعدين نضيفها للعسل ونقلب كويس، ونسيبه على جنب.

تحضير العجينة:
في وعاء، نخلط الماء الدافئ مع الخميرة والزعفران، بعدين نضيف الدقيق والسميد، ونقلب لحد ما نحصل على خليط ناعم ومتجانس.

نغطي العجينة ونسيبها تخمر في مكان دافئ لمدة 10 دقايق.

بعد ما تخمر، نحطها في زجاجة بلاستيك ونعمل ثقب صغير في الغطاء، أو نستخدم كيس حلواني.

القلي:
نسخن زيت غزير على نار متوسطة، ونبدأ نصب العجينة على شكل زلابية، ونقليها لحد ما تاخد لون دهبي ومقرمش.

نطلعها مباشرة من الزيت ونحطها في العسل الدافئ عشان تتشرب، وبعد كده نصفيها وتكون جاهزة للتقديم.