#طاجين زيتون بكريات دجاج محشية بالجبن 😋😋

#الوصفة:
رطل زيتون نديروا(كنت نعتلكم فالتدبرة كفاه نتخلصو من الملوحة) ، في كوكوط نحط دجاج 3 مغارف زيت، وانقليه حتي ياخذ اللون الذهبي نزيد بصل مسكرفجة جيدا، فلفل كحل، عكري كسبر مرحي، ملح، رند، زعيترة، كركم، طماطم مصبرة، نقلي مليح نزيد الزينون ونمرق حتي يطيب الدجاج وزيتون
نفرغوا في طاجين يتجمر ودجاج نقليه في شوي سمن
#كريات الدجاج: نرحي صدرالدجاج نضيفلو فلفل اسود، كركم، معندنوس، حبة بيض، مغرف شيبلور، ملح، وسنة ثوم ندير كرة نحشيها بالفرماج ، قطعت مكعبات صغيرة، ممبعد ندير الكريات في فرينة ونقلي حتي تاخذ اللون الذهبي نحطها فوق الزيتون في طاجين ونخليهم يزيدوا يتجمروا زيدي معدنوس وشوي زعيترة وقديمهم التزيين اختياري، كما تقدري تقدمي كريات الدجاج كمقبلة، واتزينيها بالفرماج من فوق، تجيبي فرماج هذاك الي يجي كاري والطبعي بالطابع على شكل وردة، واتقدميه كمثال للتزيين، ويبقى اختياري، وبصحتكم