اشرى امزوار اديولي اسس اغلان دين اعاون نتمطوت ارجاز سوخدام نزرابة دسوشة ددبوطويل سزطوان اتوغ تاش اولبدي غير لوقات نتزاليت.اش تدارت اناف دس ازط اوخدام دخ نتشابرين دتقاشبيين دسراويلان مع ازان غال وزغار اوغرم اوزنزي نالزايد نخدامان اوسغ نبسون اخصان تدارت.ارجاز يتوغ اتسفار غال التل اناف تمطوت تلا تدارت تخدم اترب ترواس تحفظ الشرفس دالشرف نتواشولت تلا تصبر تسودجوم ادوال نورجازس سالتل.لاشغرس الوقت دالخرق اس اماشي يلا تلا تلهى سشرى غال اشرى اتتشر غبش تلا مع اوجد نترواس ادزوان غال وعزام اتاتف ازط ال اديلي وس اتبدى اشغل انتدارت سوفراد دمودي مع ازط الان اتافس الوقت ال تونو تفويت تسمسين.الزربية دس مناو ازمولان اسشنان تغرم دمزروي نغزر نوغلان اناف دس تش .تسغناس.تمشاط. اجوضان دمناو ابسون اغرسان انشان تمدورت نمدان.انرقب اماروا اناف تمطوت اغلان تلا تدر اقن العالم وضضن دجديد العالم نالتكنولوجيا دونوض اغولاد ستدارت غال تدارت. تدار فرغنت سزطواط انغ التاولات انوخدام نوفوس اماشي اتوغنت تسدنان انبكري.تمطوت تدولد لاشغرس الوقت باش اتفكر اتخدم اشرى تدارتس انغ اتعاون ارجازس بالخصوص مناتسان اغلان يتوغ لاش دس الخيرات انمارو.
-
تعليقكـم
سيظهر تعليقك على هذه الصفحة بعد موافقة المشرف.
هذا النمودج ليس مخصص لبعث رسالة شخصية لأين كان بل فضاء للنقاش و تبادل الآراء في إحترام
تاريخ الإضافة : 01/04/2016
مضاف من طرف : presse-algerie
صاحب المقال : تغردايت الشيخ باعلي واعمر
المصدر : www.ech-chaab.net