بغرير القهوة لعشية 😍

🔸 المقادير:
3 كؤوس سميد رطب (مولى باكي البرتقالي)
كأس فرينة
1 أو 2 بيضات (حسب الحجم)
2 ملاعق كبار خل
رشة ملح
ملعقة كبيرة خميرة الخبز
ملعقة كبيرة سكر
4 إلى 5 كؤوس ماء دافئ
كيس خميرة الحلوى (نوارة)

🔸 الطريقة:

في إناء غميق (من الأفضل بلاستيكي باش يخمر مليح)، نحطو السميد، الفرينة، البيض، الخل، الملح، السكر، خميرة الخبز والماء الدافئ.

نخلطو المكونات مليح بالمولينيكس أو بالفوي حتى تولي العجينة خفيفة وفيها رغوة.

نزيدو خميرة الحلوى ونعاودو نخلطو مليح.

نغطيو الخليط ونخلوه يخمر حتى يتضاعف الحجم وتبان الفقاعات.

نسخنو مقلة خفيفة وندهنا بشوية زبدة.

نصبّو كمية من الخليط بالغراف ونخلو البغرير يطيب من جهة وحدة حتى يولي مليان ثقوب.

كي تطيب كل حبة، ادهنيها بخليط زبدة ذايبة وزيت زيتون، وحطيها في طبق.

🩵 يتكال دافئ مع القهوة، يعطي نكهة رائعة لعشية دافية ومريحة. ☕