فكرة عشاء ساهلة

المكوّنات

5 حبات بطاطا متوسطة
زوج فلفل حلو
1 فلفل حار
حبة واحدة بضنجال
زوج حبات طماطم
راس بصل خضاري
زوج سنات ثوم
توابل ملح.راس الحانوت.فلفل اسود.ربع كاس زيت
3 حبات بيض
الخطوات

اولا نغسل الخضر ونحي القشرة تاع الطماطم ونقطع الكل رونديلات نوجد في بولا صغيرة الزيت والثوم والتوابل ونصبهم علي الخضر ونخلط باليد الكل مع بعض ونحطهم في الكوكوت ونسكر عليها بدون ماء ونقص للنار خلاص ونخليها نص ساعة او عشرين دقيقة

كي نحلها ونلقاها طابت نصبها في بلاتو تاع الفور ونكسر حبات البيض كل واحد وحدها ونحطها بالشوية في اماكن مختلفة ونشعل عليها غير من فوق تتحمر ويطيب البيض
نقص عليها المعدنوس وقارص واش نقولكم البنة روعة جربوها