نوستراداموس العرب الشيخ بلوهراني رحمه الله

نوستراداموس العرب الشيخ بلوهراني رحمه الله
القصيدة هنا غير كاملة هي أطول بكثير
ياشيخي ياشيخ دنق واش يصير ===== ياشيخي ياشيخ في جيل المهمل
نعلمكم واش جاي وقبضوا هذا الراي == مايبقى لاباي لاباشا يعدل
راهم يجو الروم ويملكو هذا القوم
يملكو ذا البر والهوا وبحر=======وليلحق هذا الخبر عمرطايل
الحكم يدوه للعرب بالتشبوه======راهم يطوعوه من دونه كامل
تطوع لجبال بوعرها وسهال=======والخلقا كيال بالكاعط تأكل
كاعط الحنة يولي سكتنا=======والفضة الزينا مع الدبلون همل
سلطان الاسلام معنده مقام ====== اعطاوه ايام حكمه قلايل
الشريعة تغيب وبوحو بالعيب ===== ويضحى من لايهيب ولا احلل
يتغير الدين مالو نهايين ====== =والمرو الامين ما بيده مايعمل
يقروا القرءان ويعبدوا الاوثان ==== مسلم باللسان وضمير اكحل
تكثر التجار في سوق الفجار=====يبطل الدوار ويتغير الكل
ابوحو بالحرام والحوانيت في الخيام = ويتبدل الكلام ويعم الجهل
تتبدل الاسعار وطيحو الاصوار ==== لاشيب يوقار لا عرف مفصل
يبغوا المكروه والحرام يشروه ==== الصبي في ماه وابوه يسب وينعل
البنات الزايخات يولو مكشوفات == رتاح من قال مات والباقي يهمل
يتجارو عشرة انسا يقصدو الشجرة == يبقو في حيرة يحسبها رجل
اهيموا لبنات يبقوا متفرقات ====== ما تبقى شابات كل مرأة هجال
لبنات العزاز ما يصيبو لزاز ===== =بعد النفخة تنحاز وتترك البعل
اصحاب الشراب تدركهم لكراب === نهار العقاب فيه كل العلايل
يدركو بالحرام في كل مقام ====== واخربو الاسلام والخصلة تسفل
اهيمو كالجراد ويغيبو لفداد======تضيق البلاد والعيشة تمتل
ياويح المسكين في شلا سنين ==== مالو صدر حنين في خلقا كامل
يقنط في الضيق ما يجبر رفيق ==== والمرو الصادق بالغل مخمل
كامل الرياس يدركهم الفلاس ===== مايبقى نطاس في وكره نازل
يظهر منهم هول فايت كل اعلول ===والفلاح يقول لا باه النكيل
المسكين اشوف عايش تكلوف ==== حاصل ملهوف شايل مايعمل
يطلع بابور لسما رافد الكور ====== بجنحاتو كالنسر بالحس اجفل
تونس وتلمسان يهدرو باللسان === ما بين الخيطان عوض من راه مقابل
جي حاجة أخرة تخطف الهدرة ==== بالنعورة تحير في هذا المسايل
اجيك طايك شوفه وشوفك ===== واذا ضحكت راك تسمى باسل
تفرح الكفار لامة المختار ====== ويعطوهم لخبار من فيهم دخل
يدخلوا شي ناس يمشوا بالترباس === ولكون خساس عاد عندهم واصل
فالعاشر من عشور يظهر المنصور == بعد صلاة الظهر فرسانه يستقبل
يوصل الى مكة وينتصر بلا شكة == ويأتي بالبركة بسر ربي والمرسل
فيها يبدى الحرب كافر ما يهرب === ولخرب دين محمد يفشل
يا من يعجبك دين المشركين ===== تهرب وين مول الحق احمل
دبر وين تهوم ما يدوك الروم ===== كرهت المعصوم شكون تواكل
ماحتاها نوضة على العرجى البيضة == في ساعة يرضى يروح و قابل
تتدمر الناس والحيا ينقاس ======= يتبرعوبالفلاس ويهزمهم البطل
ماأحتاه غبار في أولاد نهار ===== =مابين الكفار عرب وقبايل
بنيان تلمسان يتهدم يا لخوان ==== =وتولي الرعيان في شجوره مقايل
تركبهم عبرة من بني مرة========نيرانهم حمرا فالهوا تشعل
تتدفق السودان في بلاد العربان ==== تلتم الخزيان كي جند النحل
وأذكر عجرود لهلا يوصله مسعود === تتهدم السدود غبارها أكحل
سباب الهلاك يبدى من جهة لتراك === وأحسن يا من راك فالخلقا تمهل
بعد مائة وعام يظهر هذا الكلام ==== وتتبدل الاحكام بقوال المحفل
أرحمني يا رحيم بجودك يا كريم == وأجعل قلبي سليم مايدخله غل
وأرحم المؤمنين والطلبة الزينين ==== والمسلمين كافة بها تكفل
مول الغواني الشيخ بلوهراني === ==من يعرفني ماوسة بها نزل