تزدايت دقت تداقت يخلقت يوش امقران دس يغلب نلفوايد امدان اشرى امزوار دين دالساس نتمدورتنسان اسس تاتان اسسن بنان تدار .اشرى امزواراتكلي تزدايت دين تيني ايسول غفس يوش امقران القران مناوت تتشال . تيني خدمن اسس مدان يغلب نبسون انيش دلمعاش اتمدورت نمدان .تزدايت اناف دس يغلب نالتاولات نتمدورت اناف دس تمالافت .توف ازوى. اكرشوش. تحجورت . كل بيلا شرى اسوفوغند اسس اشرى تمالافت غرفان سسنت تدار اكرشوش دمودان نتدار .تزت خدمن اسس ادسناج دتسنايين تنودى خدمان اسس تحصرين اتزاليت خدمان اسس دخ تسرمغين دشاران ..ازوى اوفران دسرغي نتفاوت . تحجورت توسخدام تكرزت . تعدافت خدمن اسس قاع التاولات نتدارت انلكراسا دطابلاوات خدمن اسس تعكاست امدان امقرانان دقن التاويل اترارن اسس بكري اقارنس توررت نتشورت اماس نالواد دلبدوعات.اسغارن نتزدايت توسخدامان اوسرغي دومودي دسحمي نومان اماشي تووشان دلمعاش اياالهوش اغسان نتين دقن لمعاش ايزعم اتغات اترني اغي . تيني خدمان سس يغلب لنواع نتزميت دالغاتووات .اقدى اناف تزدايت بكري اغلان اماس نلخلاء اتوغ انتها تمدورت نمدان لاش اقن انشرى اتاسد سوزغار غير اني اتاوي اعرابان سوزغار اناضوفت دبسون اضضنين الان لاش اغلان .تزدايت اتووي دنج ايلمان سوغرم نوارجلان اقت 200 كلم عمرن اسس اغلان مان الاقتصاد اشاش جار مدان امبدال نسلعي دالتاولات اتفغان ستزدايت انتزوواوين دسنايان دتسنايين تنودى ديغلب ابسون اضضنين دقن الكنز نجمان اسس مدان باش اددرن اماس نتنري مان غال اماروا يغلب نمدان الان دولان غال تزدايت فنجال نالفايدة اوفين دس سلمعاش غال التاولات نتمدورت.
-
تعليقكـم
سيظهر تعليقك على هذه الصفحة بعد موافقة المشرف.
هذا النمودج ليس مخصص لبعث رسالة شخصية لأين كان بل فضاء للنقاش و تبادل الآراء في إحترام
تاريخ الإضافة : 27/11/2015
مضاف من طرف : presse-algerie
صاحب المقال : الشيخ باعلي واعمر تغردايت
المصدر : www.ech-chaab.net