إفلاحن انلوراس أزهان مليح سلمطر إقوثين

ثوسد لمطر انوسناي أقلا ثوثا ذي الدزاير كامل وذي ثمورث انلوراس امقران، بشام اتفوك ثمورا انلفلاحث، سيرتو ثيا أقلا أزرع ذيسنت نيرذن و و ثيمزين وحتى ثجرين نالفاكهة أملمشماش ذي نقاوس وألاود سي سليمان، وسفيان.ثوثا لمطر أسناط وأذسيط ذي ثمورث انباثنت خير وبركة ماني إسوينت ثمورا أمان أغلا نلباس نوسان أفوذنت واحواجنت امان، وإفلاحن انغ كامل أغرسنش لبيار بشام أذسون ثمورا انسن، وتعوال ديما فرحمث انربي وامان نجنا، خاطر الوقثاي يحلا مليح إثمورا أمين إغننا الفلاح بضير سإشمول أقلا غرس لباس نتجرين نالتفاح، وينانغ بلي ثمورث مهما يلا الخير إقلان ذيس أنلفلاحث يحواج أمان مليح ذي الوقثاي، خاطر يتوتش الحياث تجديد إثجرين والعرق نكل ثغاوس إقتوزون.وثغاوس ثاني بغير أتوث لمطر تلين أمان ذي لبيار والودان تزالن ذي سامان وتسون سيسنت ثمورا أقلا قربن الودان، وحتى لفورجاث نالدولت امسد كدية لمدور تعرامن ذي سامان ويتشراي مليح بشام أذقوان أذسون سيس المواطنين سيرتو ذلشهار نالصيف أذرمضان.الخير يوسد ماني إقوذن إجزايرين كامل سقسقاس نالجفاف بصح الرحمث انربي ديما تمقرانت، ويننانغ المدير نومان ذي باثنت عبد الكريم صبري بلي نهنين حسب أسقاس سي سبتمبر بغير سبتمبر، يعني أذتشاخنش طول فالجفاف بغير أذقرب يور نسبتمبر إدقورن أدخلظ.