الجزائر - Conserves

وصفة الزيتون المرقد..

وصفة الزيتون المرقد..
حتى تتحصلي على زيتون كيما يحب الخاطر
أولا لازم الزيتون يكون متوسط هداك الكبير بزاف يجي طري
كذلك لازم تحطيه في مكان بارد و مظلم بلاكار او في قلب كارطونة وأغلقي عليه.
_____________________________________________
كمية الزيتون لي راح نقدملكم وصفتها 10 كيلو زيتون.
_____________________________________________
🔴 الخطوة الأولى..
شقى الزيتون بالموس🔪
حطيه في الماء مدة 18 يوم من غير ما تبدليلو الماء
باه تتنحالو المرورية.
ولي يبدلولو الما خيرو نفس الوقت اللي تبدلولو فيه يوميا
مدة حوالي 14 إلى 15 يوم.
_____________________________________________
🔴 ثاني خطوة..
في 10 كيلو زيتون.
9 لترات ماء مغلي وبارد
باكي ملح🧂 ناقص منو 4 ملاعق عشا ملح معمرين
قرعه خل يكون خفيف ماشي قاطع متكمليهاش كامل حطي وذوقي
خلطي الما والملح والخل مليح
ديريه في بلاين الماء سعيدة او بلارات
حطي فيه الزيتون تاعك ضيفيلو أوراق الرند عروق البسباس وبراج القارص وفلفل حار صغير شقيه ورشيه بالملح .
البليون يتعمر كامل وفي الأخير ضيفي فنجال زيت زيتون لي راح يكون طبقة عازله للهواء.
غطي ببابيي شفاف وأغلقي البلارة او البليون..
_____________________________________________
بعد سمانة ذوقيه.
وإذا حبيتي تضيفيلي أذواق خاصه نقصي في باطة صغيرة
زيديلها فلفل اسود حب و زريعه البسباس شويه برك
وكذلك لي يحب ذوق الزعتر وسنينات توم
وحطي الباطه في الثلاجة.
_____________________________________________
ملاحظة.. 🔻
مديريش الثوم 🧄 في الكميه الكبيره لانه راح يريح بزاف
ضيفي غي بالكميات الصغيرة.
سيظهر تعليقك على هذه الصفحة بعد موافقة المشرف.
هذا النمودج ليس مخصص لبعث رسالة شخصية لأين كان بل فضاء للنقاش و تبادل الآراء في إحترام
الاسم و اللقب :
البريد الالكتروني : *
المدينة : *
البلد : *
المهنة :
الرسالة : *
(الحقول المتبوعة بـ * إجبارية)