الجزائر - Sismologie

الغاز الصخري
#الغاز_الصخري 🏭, رانا نسمعوا بيه بزاف هاذ لعوام الأخيرة صح؟ بصح واشنو هو #الغاز_الصخري ؟
#الغاز_الصخري يختلف على الغاز العادي, بأنو ماشي موجود تحت طبقة نافذة كيما الغاز و البترول و إنما موجود داخل الصخر نفسوا (1) (طبقة عازلة ). و نلقاو في هاذ الصخر, على عمق 2000 و 3000 متر البترول الصخري و بعد عمق 3000 متر الغاز الصخري (عمق يساوي 10 مرات ارتفاع برج ايفل)
نلقاو هاذ الغاز في كامل قارات العالم بصح الاحتياطات لكبار كامل لقاوهم في #الصين, #الأرجنتين, #الجزائر 🇩🇿 , #الولايات #المتحدة #الأمريكية و #كندا.
الاختلاف الثاني مع الغاز العادي هو الإستخراج ديالو, لاخاطر موجود داخل الصخر, باش يجبدوه كاين زوج مراحل :
✅ المرحلة الأولى هي الحفر الأفقي (2) : نبداو بالحفر عموديا كي نلحقو للطبقة اللي موجود فيها الغاز الصخري نحفروا أفقيا (3) لعدة كيلومترات, منبعد نقوموا بضخ خليط من المياه، الرمل و المواد الكميائية (4) بضعط عالي باش يفتح طبقة الصخر (5) (يطرطقها و يشققها ) و يخلي الغاز الصخري يخرج من الصخر.
✅ منبعد نضخوا (pompage) الخليط تاع الغاز الصخري و الماء نحو الأعلى ( للسطح) .
كي يلحقو للسطح نفرقوا الغاز على الماء.
حجم الماء اللي نضخوه في بئر واحد يتراوح بين 10 و 15 مليون لتر من الماء ( حجم 4 أحواض سباحة أولمبية في كل مرة) مع العلم أنه يجب فتح عدة أبار في العامين اللولين .
الماء يخلط بالرمل (باش تبقى الشقوق مفتوحة) و بمواد كميائية وحدوخرا كيما المبيدات الحيوية باش يقتلو البكتيريا الموجودة بالسوائل و الأبار , زيوت التشحيم ( باش تزيد لزوجة الماء)....
كي يعاود الماء يطلع للسطح يطلع معاه الملح, المعادن الثقيلة, و أحيانا عناصر مشعة .
و لوكان طبقة الصخر العازلة تفقد هاذ الخاصية (العزل) بسبب الكسر الهيدروليكي ( كي نضخو الماء بقوة) ولا كي النفايات الكميائية الخطيرة تتغلغل في الأرض , راح تلوث التربة و المياه الجوفية.
بالزيادة على هاذ الشئ البنيات اللازمة لإستغلال الغاز الصخري ( تخزين الغاز, تخزين الماء, تخزين المواد الكيميائية, الرمل...) كبيرة و ثقيلة بزاف ووجودها في منطقة معينة راح يغير طبيعة الأرض.
وزيد التنقل تاع شاحنات رافدة المياه الملوثة, المواد الكميائية و الغاز قادرة يصرالها حادث في أي مكان (مام بعيد على مكان التنقيب) و تدفق لمحتوى الشاحنات و تتسبب في تلوث كبير للأرض ( تدمير ما بين 4 حتى 5 هكتار من التنوع البيولوجي)
و في منطقة غنية بالمياه الجوفية ( كيما فالصحراء الجزائرية), الخطورة راح تتزايد.
المصدر : قناة ARTE
ايكولوجيا ديالنا


سيظهر تعليقك على هذه الصفحة بعد موافقة المشرف.
هذا النمودج ليس مخصص لبعث رسالة شخصية لأين كان بل فضاء للنقاش و تبادل الآراء في إحترام
الاسم و اللقب :
البريد الالكتروني : *
المدينة : *
البلد : *
المهنة :
الرسالة : *
(الحقول المتبوعة بـ * إجبارية)