سيدي الرايس نخاطبك بالدارجة مش بالعربية

سيدي الرايس نخاطبك بالدارجة مش بالعربية مشي مناه منعرفش نحكي فرنسية ولا انجليزية راني نعرف نحكي حتى بالشينوية والاسبانية نخاطب ونقول في دزاير رانا عايشين ومن ميزيرية الحقرة ماناش مهنيين منيش عارف لراك تقرا جرنان بصح وش يقولوا فيه مهوش حتا ربع وش صاري في البلاد لانوا حتى الصحافة ولات تكتب بالمعريفة والرشوة
الصحفي يدي تشيبة وميكتبش واش صاري . وش نحكي واش نخلي شباب ضايع مش مهني واحد في مديرية صحة تاع ميلة يقول نحرق روحي ومن بعد مدوا الخدمة لخويا لي قل مني قدامو يحكموا دواصة تاع معريفة لكما هو يخدموهم وهوا يقلولوا مكانش . سيدي رايس المعريفة مدايرية حالة .قدام وجهك يدمها وانت تقول راك يهودي مش جزائري يقولك مكانش روح بعد عام ولي كشما ينوب ربي زيد مديرية التربية في ميلة تروح يقولك راني حلفت عليكم يا ولاد الزبالة اخطوني مكانش الخدمة خلاص منسنيش حتا تاع لانيم من بعد شوية تلقا بنية خارجة تضحك السيد راه سنيا والخدمة ولات كاينة هدوك ولاد المعريفة والمدير معاهم كرشوا كبيرة يقول للشبيبة روح احرقوا رواحكم ولا روحوا احرقوا لاوروبا وش مزالكم ديروا هنا عندي . سيدي رايس في التخلف رانا عايشين ومناش مهنيين لي يحكم كرسي يقولك ان ربكم الاعلى ورح لحبيت للرايس نروحوا نسترزقوا في الطرقات نلقاو لابوليس عقابنا مكرات يقولك روح وليدي حوس على خدمة مجيش هنا ديرونجي ناس لي عندها ملاير وحوانت وبزارات . سيدي الرايس وش نحكي وواش نخلي راه صاري العجب والشباب كرهت . العوج في البلاد كثر والحقرة ولات بزاف سيدي الرايس رانا في غمة كرهنا ومرضنا
سيدي رايس شوف لينا نحوسوا غير نخدموا بلادنا مش نخلوا العدية يضحكوا علينا بنوك متخلفة وبريد مزال عايش في القرون الوسطى فوضى وسكنى يدوها بالرشوة سيدي رايس مستشفيات مفيهاش دوا يسرقوه ويقولك مكانش
تحية لكل الزوالية في الجزائر وما اكثرهم
نريد ان نعيش وفقط
الحمد لله ان لنا ربا لا ينام اللهم ان نشكرك على نعمة الاسلام